Mai inoo sio iki hanaia no monn Matahenne nene siaia.
Sio ikina no arena rehitio na ria wesie ria hantetane.
Sio ikina no saua wasoni opake sio ikina no api Matahenna.
Sio ikina no morite waini iararue wenue wani mataanoe osi sio ikina sana osa-osa.
Sio ikina wasoni orue opotaso okata no morite na sio mamsiu apia.
Sio ikina wasoni nanie oeu aiseso neka niane hahae na neka numa mainaya.
Sio atoa sio iki matahenna tau piruna, kalasiu, isikotola runa umau warumo asi.
Sio ikina opakeso pusi, oyo pusiso opoto kata umau ria hantetane.
Oeu oaiseso suka oyo opoto kata umau oni ohuka no api matahenna tewasi.
